常識篇10
承接上一篇，通常你睇我嗰陣未咳，我都會開定咳水俾你，叫你開始咳嗰陣先食。咁終於我開口中，你第二日真係咳（其實有幾難估姐？），跟住就仆返嚟睇我。我咪俾咗藥你囉🤷🏽♂️！我只會叫你食返琴日我開咗嗰啲藥，跟住叫你走。咁樣浪費左第二次診金，係咪好戇居呢🤦🏽♂️？
同埋邊個話傷風感冒有靈丹妙藥㗎💊？我都係靠瞓覺瞓得好啲，等個免疫系統好返打低啲病毒。感冒藥只不過係治標不治本。頭痛醫頭，有鼻水就幫你收鼻水，等你舒服啲，瞓得好啲。
最後唔該，每年打返流感針💉。新聞都講得多。大人小朋友都會有機會中招。嚴重起上嚟有啲會腦炎，可大可小。百幾蚊一支針打咗去啦。小朋友又會有資助。有政府錢做咩唔使姐？
Search